ជ័យលាភីបវរកញ្ញាពិភពលោក២០១៦និងបវរកញ្ញាខ្មែរ-អាមេរិកាំងចំនួន៦រូប បានចូលរួមសំអាតនិង ផ្សព្វផ្សាយឲ្យមានការថែរក្សាបរិស្ថានតំបន់ឆ្នេរ ដើម្បីទាក់ទាញភ្ញៀវជាតិនិងអន្តរជាតិ។
ក្នុងដំណើរទស្សនកិច្ចដែលដឹកនាំដោយក្រសួងបរិស្ថាននិងអាជ្ញាធរពាក់ព័ន្ធនោះ ជ័យលាភីបវរកញ្ញា ពិភពលោកទាំង៦រូប ជួបសិស្សានុសិស្សនិងប្រជាពលរដ្ឋ ដើម្បីផ្សព្វផ្សាយពីការថែរក្សាបរិស្ថាន សារៈសំខាន់នៃជីវចម្រុះសមុទ្រ ហើយបវរកញ្ញាទាំងនោះ រួមជាមួយប្រជាពលរដ្ឋបាននាំគ្នាដើររើសសំរាម។
ដំណើរទស្សនកិច្ចរបស់បវរកញ្ញា ពិភពលោកទាំង៦រូបនេះបានទៅដល់ខេត្តព្រះសីហនុកាលពីថ្ងៃទី២៨ខែកុម្ភៈ។ ដំណើរទស្សនកិច្ចនេះ រៀបចំសម្របសម្រួលដោយក្រសួងបរិស្ថាន៕
