ឥណ្ឌាទទួលជួយបណ្តុះបណ្តាលកងទ័ពជើងទឹករបស់មីយ៉ាន់ម៉ា

ឥណ្ឌាកាលពីថ្ងៃពុធម្សិលមិញ បានឆ្លើយតបវិជ្ជមាន ក្នុងការបំពេញទស្សនកិច្ចនៅកងទ័ពជើងទឹក និងព្រមជួយសម្របសម្រួល ជួយបណ្តុះបណ្តាលតាមការស្នើសុំរបស់មីយ៉ានម៉ា។​

តាមសំណើរបស់មីយ៉ាន់ម៉ា ឥណ្ឌាបានបញ្ជូនគណៈប្រតិភូមួយក្រុមទៅបំពេញទស្សនកិច្ចនៅក្នុងប្រទេសមីយ៉ានម៉ានៅចុងខែកុម្ភៈនិងដើមខែមីនានេះ។​ តាមគម្រោងពួកគេបំពេញទស្សនកិច្ច៤ថ្ងៃ។ ​នេះបើតាមទីភ្នាក់ងារព័ត៌មាន ​AFP។​

ភាគីឥណ្ឌានិងមីយ៉ាន់ម៉ាបានពិភាក្សាគ្នារកពេលវេលាសមស្របណាមួយ ដើម្បីរៀបចំការបណ្តុះបណ្តាល ទោះយ៉ាងណា ពេលវេលាជាក់លាក់នៅមិនកំណត់នៅឡើយទេ៕