តូបលក់ដូររបស់អាជីវករជិត១០០តូបនៅផ្សារពោធិលង្ការ ក្រុងសៀមរាប ត្រូវបានអគ្គីភ័យឆាបឆេះ នៅព្រឹកថ្ងៃនេះ ដោយសង្ស័យឆ្លងខ្សែចរន្ដរអគ្គិសនីពីបង្គោលភ្លើងក្បែរផ្សារ។
ក្រុមអាជីវករនៅផ្សារពោធិលង្ការឲ្យដឹងស្រដៀងគ្នាថា ហេតុការណ៍នេះ កើតឡើងនៅម៉ោង១ទៀបភ្លឺ ថ្ងៃទី០២ ខែមីនានេះ បណ្ដាលឲ្យសម្ភារៈលក់ដូរក្នុងតូបពួកគាត់៨៥តូប រងការខូចខាតទាំងស្រុង។ ពួកគាត់បន្ថែមថា ឧបទ្ទវហេតុនេះ បណ្ដាលមកពីឆ្លងខ្សែចរន្ដរអគ្គីសនីពីបង្គោលភ្លើងក្បែរផ្សារ ហើយរាលដាលចូលឆេះអីវ៉ាន់ក្នុងតូប។ ពួកគាត់បន្ដថា ខ្សែភ្លើងនៅលើបង្គោលភ្លើងនោះគ្មានការរៀបចំត្រឹមត្រូវតាមស្ដង់ដា ទើបធ្វើឲ្យឆ្លងចរន្ដបែបនេះ។
បើតាមសមត្ថកិច្ចផ្នែកអគ្គីភ័យឲ្យដឹងថា អគ្គីភ័យនេះប្រើប្រាស់រថយន្ដបាញ់ទឹកចំនួន១៤គ្រឿងនិងអស់ទឹកជិត១០០រថយន្ដ៕