ក្រុមជនជាតិដើមភាគតិចអ៊ូហ្គួដែលទទួលការបណ្តុះបណ្តាលជាមួយពួករដ្ឋឥស្លាមនៅក្នុងប្រទេសអ៊ីរ៉ាក់ បានប្រកាសប្តេជ្ញាបង្ហូរឈាមជាមួយរដ្ឋអំណាចចិនឲ្យប្រែដូចទឹកទន្លេ ដើម្បីដោតទង់ជាតិរបស់ពួកគេលើទឹកដីនេះវិញឲ្យបាន។
ចិនកំពុងតែមានការព្រួយបារម្ភ ចំពោះជនជាតិអ៊ូហ្គួ ដែលភាគច្រើនជាអ្នកកាន់សាសនាឥស្លាម នៅក្នុងខេត្តស៊ីជាំងនៅប៉ែកខាងលិចរបស់ប្រទេសចិន។ បច្ចុប្បន្នពួកក្រុមឥស្លាមដែលកំពុងវាយប្រហារនៅដែនដីអ៊ីរ៉ាក់ និង ស៊ីរី កំពុងធ្វើដំណើរដោយខុសច្បាប់ទៅអាស៊ីអាគ្នេយ៍និងចូលទឹកដីប្រទេសតួកគី។ នេះបើតាមទីភ្នាក់ងារព័ត៌មានរ៉យទ័រ។
ពួករដ្ឋឥស្លាម អះអាងថា នឹងឆ្លើយតបសម្រាប់ការសម្លាប់ចំណាត់ខ្លាំងក្រុមនេះជាជនជាតិចិនម្នាក់កាលពីឆ្នាំ២០១៥ ខណៈចិនកំពុងព្រួយបារម្ភអំពីជនជាតិអ៊ូហ្គួ ដែលក្រុមនេះកំពុងវាយប្រហារនៅមជ្ឈឹមបូព៌ា។
នៅប៉ុន្មានឆ្នាំចុងក្រោយនេះ មនុស្សរាប់រយនាក់ត្រូវបានសម្លាប់នៅក្នុងខេត្តស៊ីជាំង ដែលភាគច្រើនគឺចលាចលរវាងជនជាតិអ៊ូហ្គួ និង ជនជាតិភាគច្រើនគឺជនជាតិចិនហាន។ រដ្ឋាភិបាលចោទថា ចលាចលបង្កឡើងដោយពួកឧទ្ទាមរដ្ឋឥស្លាម។
ពួករដ្ឋឥស្លាមបានបង្ហាញខ្សែវីឌីអូចំនួនកន្លះម៉ោង ដែលនិយាយពីការបណ្តុះបណ្តាលពួកជនជាតិអ៊ូហ្គួ ដែលធ្វើដំណើរពីខេត្តស៊ីជាំង ដែលមានខ្លះរួមទាំងអតីតនគរបាលផងដែរ។ ការថតបង្ហាញសារនេះបញ្ជាក់ថា ពួកគេប្រាប់ឲ្យលោក ស៊ីជីនពីងដុតទង់ជាតិចិនចោល នៅតំបន់ដែលពួកគេត្រូវការក្នុងខេត្តស៊ីជាំង៕
