កូរ៉េខាងត្បូងនិងអាមេរិកពង្រឹងដាក់ទណ្ឌកម្មលើកូរ៉េខាងជើង

កូរ៉េខាងត្បូងនិងសហរដ្ឋអាមេរិកនៅថ្ងៃព្រហស្បតិ៍នេះ បានព្រមព្រៀងពង្រឹងកិច្ចសហប្រតិបត្តិការដាក់ទណ្ឌកម្មលើកូរ៉េខាងជើង ពាក់ព័ន្ធកូរ៉េខាងជើង​បានបាញ់អាវុធមីស៊ីលឆ្លងទ្វីបកាលពីខែមុន។​

រដ្ឋមន្ត្រីរតនាគារជាតិ របស់អាមេរិក លោក Steven Mnuchin និងរដ្ឋមន្ត្រីហិរញ្ញវត្ថុរបស់កូរ៉េខាងត្បូងលោក​ Yoo Il-ho​ បានជួបប្រជុំគ្នា ហើយចេញសេចក្តីថ្លែងការណ៍រួមស្តីពីការបាញ់មីស៊ីលរបស់កូរ៉េខាងជើងកាលពីខែកុម្ភះ នឹងសន្យាថា ប្រទេសទាំងពីរដាក់ទណ្ឌកម្មបន្ថែមលើ កូរ៉េខាងជើង ដើម្បីជួលជុលការខូចខាត និង ការគំរាមកំហែងសន្តិសុខក្នុងតំបន់។​នេះបើតាមទីភ្នាក់ងារសារព័ត៌មានរ៉យទ័រ។​

Mnuchin និង Yoo បញ្ជាក់ជំហរ ពង្រឹងទំនាក់ទំនងសេដ្ឋកិច្ចឲ្យកាន់តែស្និទ្ធរវាងប្រទេសទាំងពីរ និងព្រមព្រៀងធ្វើឲ្យប្រសើរឡើងពីបញ្ហាបំណុលជាមួយរដ្ឋមន្ត្រីហិរញ្ញវត្ថុរបស់ប្រទេសចំនួន​៧ផ្សេងទៀត៕