ខ្សែរថភ្លើងមួយកំណាត់ដែលតភ្ជាប់ពីស្ថានីយ៍រថភ្លើងភ្នំពេញ ទៅកាន់ព្រលានយន្តហោះអន្តរជាតិភ្នំពេញនោះ នឹងត្រូវដាក់ឲ្យដំណើរការនៅមុនពិធីបុណ្យចូលឆ្នាំខ្មែរខាងមុខនេះ ដើម្បីកាត់បន្ថយការកកស្ទះចរាចរណ៍។
ទំព័រហ្វេសប៊ុកក្រសួងសាធារណការ និងដឹកជញ្ជូន បានឲ្យដឹងថា ផ្លូវដែកប្រវែង ១៦០០ម៉ែត្រ ដែលភ្ជាប់ស្ថានីយ៍អាយស្ម័យានភ្នំពេញ ទៅកាន់ស្ថានីយ៍ថ្មីនៅក្នុងអាកាសយានដ្ឋានអន្តរជាតិភ្នំពេញនោះ ត្រូវដាក់ឲ្យដំណើរការកាលពីម៉ោង ២ និង ៤៥នាទីរសៀលថ្ងៃម្សិលមិញនេះ។
ក្រសួងដដែលនេះ រៀបរាប់នៅលើទំព័រហ្វេសប៊ុកថា ខ្សែរថភ្លើងថ្មីនេះ នឹងជួយសម្រួលដល់អ្នកដំណើរទៅកាន់ព្រលានយន្តហោះ ដោយមិនបារម្ភអំពីបញ្ហាកកស្ទះចរាចរណ៍ និងគ្រោះថ្នាក់ចរាចរណ៍នោះឡើយ។
កំណាត់ខ្សែរថភ្លើងនេះ ត្រូវបានកសាងឡើងដោយក្រុមហ៊ុន Royal Group របស់លោកឧកញ៉ា គិត ម៉េង៕