រញ្ជួយដីកម្លាំង៦​,៥រិច្ឆទ័រ អង្រួននៅកោះស៊ូម៉ាត្រារបស់ឥណ្ឌូនេស៊ី

(រូបភាពពី CNA)

ក្រុមអ្នកភូមិសាស្ត្រអាមេរិករាយការណ៍ថារញ្ជួយដីកម្លាំង៦,៥ រិច្ឆទ័រ អង្រួននៅកោះស៊ូម៉ាត្រានៃប្រទេសឥណ្ឌូនេស៊ីនៅព្រឹកថ្ងៃព្រហស្បតិ៍នេះ ប៉ុន្តែនៅមិនទាន់មានរបាយការណ៍ចំនួនខូចខាតនិងអ្នករងរបួសនៅឡើយ។

តាមសារព័ត៌មាន Channel News Asia ចុះផ្សាយថាការរញ្ជួយនេះស្ថិតនៅភាគកណ្តាលនៃកោះស៊ូម៉ាត្រាមានចម្ងាយប្រមាណ១៥៥គីឡូម៉ែត្រនៅភាគខាងត្បូងនៃរដ្ឋធានីប៉ាដាង។ ការរញ្ជួយដីនេះចាប់ផ្តើមនៅម៉ោង៥:៥៦ព្រឹក គឺកើតឡើងមួយរយៈពេលខ្លីនៅពេលដែលមនុស្សគ្រប់គ្នាមិនទាន់ក្រោកពីដំណេកនៅឡើយ។

អ្នករងគ្រោះក្នុងហេតុការណ៍នេះបានរៀបរាប់ថាហេតុការណ៍រញ្ជួយដីនេះកើតឡើងតែប្រមាណ៣០វិនាទី ហើយបានបណ្តាលឲ្យមនុស្សម្នានាំគ្នារត់ចេញពីផ្ទះឡើងលើផ្លូវ ប៉ុន្តែមិនសញ្ញានៃការខូចខាតកើតឡើងទេគឺអ្វីៗហាក់វិលមករកភាពធម្មតាវិញ។

អ្នករាយការណ៍ឲ្យដឹងទៀតថាចរន្តអគ្គិសនីនៅកន្លែងខ្លះត្រូវបានបិទមួយសន្ទុះរួចក៏បើកឲ្យដំណើរការវិញ ហើយអាជ្ញាធរមិនបានរៀបចំជម្លៀសប្រជាពលរដ្ឋទេ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ