លោកនាយករដ្ឋមន្ត្រី ហ៊ុន សែន អះអាងថា គណបក្សរបស់លោកជួលស្ថានីយ៍ទូរទស្សន៍ចំនួន៨ផ្សាយផ្ទាល់ ព្រឹត្តិការណ៍ហែបក្សឃោសនារកសំឡេងឆ្នោតនៅព្រឹកថ្ងៃសុក្រនេះ ដែលចំណាយក្នុង១នាទី ៣០០ដុល្លារអាមេរិក។
លោក ហ៊ុន សែន ថ្លែងពេលលោកនៅនៅក្នុងក្បួនហែបក្សថា បក្សរបស់លោកត្រូវចំណាយច្រើន សម្រាប់ការឃោសនានៅថ្ងៃនេះ លោកថាក្រៅពីជួលម៉ោងផ្សាយតាមទូរទស្សន៍ ក៏ចំណាយលើការជួលឧត្ថម្ភាចក្រ ហោះតាមក្បួនឃោសនាទៀត។ លោកថ្លែងថា លោកមិនបានប្រើរបស់រដ្ឋទេ គឺសុទ្ធតែជួល។
លោកនាយករដ្ឋមន្ត្រី ហ៊ុន សែន ទៅដល់ក្បួនឃោសនាកន្លែងជួបជុំនៅផ្លូវ៦០ម៉ែត្រ បឹងទំពុនម៉ោងជិត៨ព្រឹក ហើយលោក បញ្ចប់ការឃោសនានៅម៉ោងជាង១១ព្រឹក៕