នយោបាយ

រដ្ឋាភិបាលលុបចោលបក្សចំនួន២០ ក្រោយវិសោធនកម្មច្បាប់គណបក្សនយោបាយ

លោក ឌិត សុខធី
| ០២ តុលា ២០១៧
ម៉ោង ១៥:២៥

រដ្ឋាភិបាល នៅថ្ងៃនេះ បានសម្រេចលុបចោលគណបក្សនយោបាយចំនួន ២០ ដោយថា ការសម្រេចបែបនេះស្របទៅនឹងច្បាប់ស្ដីពីគណបក្សនយោបាយ ដែលត្រូវបានកែប្រែនៅដើមឆ្នាំនេះ។

ក្នុងសេចក្ដីសម្រេចមួយចេញនៅថ្ងៃនេះ រដ្ឋមន្ត្រីក្រសួងមហាផ្ទៃ លោក ស ខេង បានសម្រេចលុបចោលគណបក្សនយោបាយចំនួន២០។

ក្នុងសេចក្ដីសម្រេចនោះ ក្រសួងមហាផ្ទៃបានបញ្ជាក់ថា ការសម្រេចលុបចោលគណបក្សទាំង ២០នោះ ត្រូវបានធ្វើឡើងស្របទៅតាមច្បាប់ស្ដីពីវិសោធនកម្មច្បាប់ស្ដីពីគណបក្សនយោបាយ។

ច្បាប់ស្ដីពីគណបក្សនយោបាយ ត្រូវបានក្រុមតំណាងរាស្ត្របក្សកាន់អំណាចកែប្រែកាលពីថ្ងៃទី២០ ខែកុម្ភៈ តែប៉ុន្មានថ្ងៃប៉ុណ្ណោះលោកនាយករដ្ឋមន្ត្រី ហ៊ុន សែន ជំរុញឲ្យធ្វើវិសោធនកម្មច្បាប់នេះ ដោយកំណត់មិនឲ្យអ្នកនយោបាយមានទោស ធ្វើជាប្រធាន និងអនុប្រធានគណបក្សនោះឡើយ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។