រដ្ឋាភិបាលកម្ពុជាបានប្រកាសឲ្យអនុវត្តន៍ការកែសម្រួលរបៀបកាត់ពន្ធលើប្រាក់បៀវត្សថ្មីដែលមានចំនួនចាប់ពីមួយលានមួយរយរៀលឡើងទៅ ដោយត្រូវអនុវត្តចាប់ពីខែមករាឆ្នាំ២០១៧តទៅ។
នៅក្នុងសេចក្តីណែនាំចុះថ្ងៃទី២៧ ខែធ្នូ ឆ្នាំ២០១៦ ក្រសួងសេដ្ឋកិច្ចបានបញ្ជាក់ថា ប្រាក់បៀវត្សចាប់ពីមួយលានរៀលឡើងត្រូវជាប់ពន្ធ៥% ដែលពីមុនប្រាក់បៀវត្សត្រឹម៨សែនរៀលក៏ជាប់ពន្ធ៥%ដែរ។
ជាមួយគ្នានេះ ករណីមានប្រពន្ធឬប្តីឬកូន នឹងត្រូវកាត់ចេញ១៥ម៉ឺនរៀលក្នុងម្នាក់ៗ ដែលពីមុនត្រូវកាត់ចេញតែចំនួន៧៥០០០រៀលក្នុងម្នាក់ៗ។
ផ្អែកតាមរបៀបគណនាពន្ធលើប្រាក់បៀវត្សថ្មីនេះ មានន័យថាចំនួនទឹកប្រាក់ដែលត្រូវបង់ពន្ធនៅឆ្នាំ២០១៧ គឺថយចុះជាងមុន ប្រសិនបើប្រាក់បៀវត្សមិនកើនឡើង៕