របាយការណ៍ពីនាយកដ្ឋានសណ្តាប់ធ្នាប់នៃអគ្គស្នងការដ្ឋាននគរបាលជាតិឲ្យដឹងថា គ្រោះថ្នាក់ចរាចរណ៍ចំនួន១២លើកនៅទូទាំងប្រទេស កាលពីថ្ងៃទី០២ ខែមិថុនាម្សិលមិញ បានបណ្តាលឲ្យមនុស្សស្លាប់៦នាក់ និងរបួស១៧នាក់។
របាយការណ៍ដដែលនេះបានឱ្យដឹងថាក្នុងចំណោមអ្នកស្លាប់៦នាក់នោះមានស្រីម្នាក់។ របាយការណ៍បញ្ជាក់ដែរថា នៅក្នុងហេតុការណ៍គ្រោះថ្នាក់ចរាចរណ៍នេះ បណ្តាលឲ្យខូចខាតយានយន្តសរុបចំនួន ២៦គ្រឿង រួមមានម៉ូតូចំនួន១១គ្រឿង។
យោងតាមរបាយការណ៍គ្រោះថ្នាក់ចរាចរណ៍ផ្លូវគោក រយៈពេល២ថ្ងៃគិតចាប់ថ្ងៃទី១ មិថុនា ដល់ថ្ងៃទី ២ខែមិថុនា ឆ្នាំ២០១៧ មានករណីគ្រោះថ្នាក់ចរាចរកើតឡើងចំនួន២៤លើក បណ្តាលឲ្យមនុស្សស្លាប់ចំនួន១០នាក់ រងរបួសសរុបចំនួន៣១នាក់ ក្នុងនោះរបួសធ្ងន់២៥នាក់ និងរងរបួសស្រាលចំនួន៦នាក់៕
