គណកម្មាធិការជាតិរៀបចំការបោះឆ្នោត(គជប) សម្រេចឲ្យអ្នកសារព័ត៌មានជាតិ និងអន្តរាជាតិជាង៧រយនាក់ចូលរួមយកព័ត៌មានក្នុងដំណើរការបោះឆ្នោតជ្រើសរើសក្រុមប្រឹក្សាឃុំសង្កាត់អណត្តិទី៤នេះ។
យោងតាមសេចក្តីប្រកាសព័ត៌មានរបស់គជបនៅល្ងាចថ្ងៃទី០២ ខែមិថុនាម្សិលមិញ គជបបានបញ្ជាក់ថាអ្នកសារព័ត៌ជាតិ និងអន្តរជាតិចំនួន៧៨៨នាក់ក្នុងនោះមានស្រីចំនួន១០៦នាក់មកពីអង្គភាពចំនួន៦៣ នឹងចូលរួមយកព័ត៌មានអំពីដំណើរការបោះឆ្នោត ជ្រើសរើស ក្រុមប្រឹក្សា ឃុំ សង្កាត់ដែលប្រព្រឹត្តទៅនៅថ្ងៃអាទិត្យនេះ។
គជបបានបញ្ជាក់ថាដំណើរការបោះឆ្នោតជ្រើសរើសក្រុមប្រឹក្សាឃុំសង្កាត់អណត្តិទី៤នេះមានអ្នកសង្កេតការណ៍មកពីស្ថាប័នអង្គការសង្គមស៊ីវិលចំនួន៧៤៦៧១នាក់ និងភ្នាក់ងារមកពីគណបក្សនយោបាយទាំង១២គណបក្សចំនួន១០៥៣៤៨នាក់៕