មន្ត្រីជាន់ខ្ពស់រដ្ឋាភិបាល៣រូបត្រូវបានតែងតាំងជាថ្នាក់ដឹកនាំក្រុមប្រឹក្សាបណ្ឌិតសភាចារ្យ ដែលព្រះរាជក្រឹត្យតែងតាំងចេញកាលពីមិ្សលមិញនោះ ចុះហត្ថលេខាដោយប្រមុខរដ្ឋស្តីទី លោក សាយ ឈុំ។
មន្ត្រី៣រូបដែលនឹងក្លាយទៅជា ក្រុមប្រឹក្សាបណ្ឌិតសភាចារ្យ មានដូចជា លោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ជាប្រធាន, លោក ហង់ ជួនណារ៉ុន រដ្ឋមន្ត្រីក្រសួងអប់រំ ជាអនុប្រធាន, និង លោក សុខ ទូច ប្រធានរាជបណ្ឌិតសភា ជាអនុប្រធានប្រចាំការ។
បើតាមព្រះរាជក្រឹត្យចុះថ្ងៃទី ២៩ កក្កដា កន្លងទៅចុះហេត្ថលេខាដោយលោក សាយ ឈុំដែរនោះ លោក សុខ ទូច ត្រូវបានតែងតាំងជាប្រធានរាជបណ្ឌិតសភា ជំនួស លោកស្រី ខ្លូត ធីតា ហើយលោកស្រី ខ្លូត ធីតា ត្រូវបានតែងតាំងជាទីប្រឹក្សានាយករដ្ឋមន្ត្រី៕