ធនាគារកណ្ដាលកម្ពុជា បានសម្រេចលុបចោលស្ថាប័នមីក្រូហិរញ្ញវត្ថុជាង ១០ ដោយលើកហេតុផលថា គ្រឹះស្ថានទាំងនោះ ពុំបានអនុវត្តស្របតាមច្បាប់កម្ពុជា។
ក្នុងសេចក្ដីប្រកាសព័ត៌មានកាលពីថ្ងៃម្សិលមិញនេះ ធនាគារជាតិកម្ពុជា បានប្រកាសថា ខ្លួនបានសម្រេចលុបចោលគ្រឹះស្ថានឥណទានជនបទ ឬប្រតិបត្តិករឥណទានជនបទចំនួន ១១។
បើតាមសេចក្ដីប្រកាសព័ត៌មាននោះ ស្ថាប័នផ្ដល់កម្ចីហិរញ្ញវត្ថុទាំងនោះមានសមាគមជាតិទ្រទ្រង់កសិផល វិទ្យាស្ថានសន្តិភាព និងអភិវឌ្ឍន៍ អង្គការលូថេរ៉េនបម្រើពិភពលោក ឬអង្គការជីវិតថ្លៃថ្នូរ អង្គការអភិវឌ្ឍន៍ជនបទខ្មែរ ស៊ី.ខេ.អ៊ឹម.អេហ្វ.ជី. (CKMFG) អង្គការសប្បរស អង្គការទ្រង់ទ្រង់សមាគមបង្កើនការអភិឌ្ឍ អង្គការជោគជ័យ អង្គការឥណទានកម្ពុជា អាយខេ ហ្វានែន អង្គការច័ន្ទសុខសាន្ត សមាគមអភិវឌ្ឍន៍កសិកម្ម និងទេសចរណ៍។
ក្រៅពីលុបចោលហើយនោះ ធនាគារកណ្ដាលមួយនេះ បានស្នើទៅសមត្ថកិច្ចពាក់ព័ន្ធ ឲ្យចាត់វិធានការទៅលើគ្រឹះស្ថានទាំងនោះផងដែរ៕