អាជ្ញាធរថៃបានបង្ក្រាបគ្រឿងញៀនទ្រង់ទ្រាយធំ ក្នុងតម្លៃទឹកប្រាក់៥៤លានដុល្លារនាំចូលពីប្រទេសឡាវ និងមីយ៉ាន់ម៉ា ក្នុងគោលបំណងចែកចាយក្នុងប្រទេសថៃ និងនាំចេញបន្តទៅកាន់ប្រទេសម៉ាឡេស៊ី។
តាមការចុះផ្សាយរបស់សារព័ត៌មានABC បានឲ្យដឹងថា គ្រឿងញៀននោះមានចំនួន៧៨៨គីឡូក្រាម ស្មើនឹង៩លាន៤សែនគ្រាប់។ សមត្ថកិច្ចថៃរកឃើញថា គ្រឿងញៀននេះផលិតនៅក្នុងប្រទេសមីយ៉ាន់ម៉ានាំឆ្លងកាត់ប្រទេសឡាវឆ្លងទន្លេមេគង្គនិងឡើងតាមផ្លូវគោកនៅខេត្តឈាងរ៉ៃភាគខាងជើងនៃប្រទេសថៃ។
ក្នុងយុទ្ធនាការបង្ក្រាបនេះសមត្ថកិច្ចបានចាប់ខ្លួនឈ្មួញនិងអ្នកពាក់ព័ន្ធចំនួន១១នាក់។ តាមគោលដៅឈ្មួញទាំងនោះគ្រោងនាំបន្តទៅភាគខាងត្បូងប្រទេសថៃទៅដល់ព្រំប្រទល់ជាមួយប្រទេសម៉ាឡេស៊ី។