ត្រាំរៀបចំពង្រាយកម្លាំងនៅព្រំដែនម៉ិចស៊ិកមុនធ្វើជញ្ជាំងរួច

ប្រធានាធិបតីសហរដ្ឋអាមេរិកបានប្រកាសពីការរៀបចំកម្លាំងយោធាដាក់ប្រចាំការនៅព្រំដែនជាមួយប្រទេសម៉ិចស៊ិចរហូតដល់កសាងជញ្ជាំងបាំងព្រំដែននៃប្រទេសទាំងពីររួច។​

នៅក្នុងកិច្ចប្រជុំមួយកាលពីម្សិលមិញប្រធានាធិបតីអាមេរិកលោកដូណាល ត្រាំបានថ្លែងថា លោកនឹងដាក់កម្លាំងយោធានៅតាមព្រំដែនភាគខាងត្បូងជាមួយប្រទេសម៉ិចស៊ិកក្នុងគោលបំណងទប់ស្កាត់ជនអន្តោប្រវេសន៍ឆ្លងកាត់ប្រទេសនេះចូលដែនដីអាមេរិក​។​

ពេលនេះលោកដូណាល ត្រាំ និងមន្ត្រីជាន់ខ្ពស់ផ្សេងទៀតកំពុងតែរៀបចំដាក់ស្នើទៅកាន់សភាឲ្យអនុម័តដើម្បីអាចដំណើរបាន។​

លោក ត្រាំក៏បានថ្លែងថ្កោលទោសប្រធានាធិបតីបារ៉ាក់អូបាម៉ាថា មិនបានពង្រឹកព្រំដែនឲ្យខ្លាំងក្លាទើបបណ្តាលឲ្យមានជនអន្តោប្រវេសបន្តឆ្លងដែនខុសច្បាប់ចូលទឹកដីអាមេរិក។​