យុវជនម្នាក់ត្រូវសមត្ថកិច្ចនៅស្រុកកំរៀង ខេត្តបាត់ដំបងចាប់ខ្លួន កាលពីថ្ងៃពុធម្សិលមិញ ដោយចោទថា បានកាប់បំផ្លាញស្លាកគណបក្សប្រជាជនកម្ពុជាបណ្តាលឲ្យ ខូចខាតស្ទើរទាំងស្រុង។
តាមការចុះផ្សាយរបស់អគ្គស្នងការដ្ឋាននគរបាលជាតិ បានឲ្យដឹងថា កាលពីម៉ោងជាង៧យប់ម្សិលមិញ មានយុវជនម្នាក់ឈ្មោះ ផាត សុភាព អាយុ២៤ ឆ្នាំ បានកាប់បំផ្លាញស្លាកគណបក្សប្រជាជនកម្ពុជា មួយកន្លែងខូចខាតស្ទើរទាំងស្រុង។យុវជនរូបនេះជា កសិករ រស់នៅ ភូមិ១៨ ឃុំកំរៀង ស្រុកកំរៀង។
អធិការនគរបាលស្រុកកំរៀង លោក គឹម ពន្លក មានប្រសាសន៍ថាសមត្ថកិច្ចកំពុងកសាងសំណុំរឿង បញ្ជូនករណីនេះ ទៅតុលាការដើម្បីបន្តនីតិវិធីតាមផ្លូវច្បាប់៕