សមត្ថកិច្ចអះអាងថាក្រុមបុរសដែលបើកការវាយប្រហារនៅទីក្រុងដាកានៅក្នុងប្រទេសប៉ង់ក្លាដេសកាលពីថ្ងៃទី២ខែកក្កដាបណ្តាលឲ្យមនុស្ស២០នាក់ស្លាប់នោះ ក្នុងនោះម្នាក់ធ្លាប់សិក្សានៅមហាវិទ្យាល័យក្នុងប្រទេសម៉ាឡេស៊ី។
ក្រុមអ្នកស៊ើបអង្កេតលើអំពើភេរវកម្មនោះបានបង្ហាញរូបថតបុរសបីនាក់ដែលជាប់ពាក់ព័ន្ធក្នុងការវាយប្រហារក្នុងភោជនីយដ្ឋានមួយក្នុងទីក្រុងដាកាកាលពីយប់ថ្ងៃសៅរ៍គឺមានឈ្មោះ Samih Mubashir, Rohan Imtiaz និង Nibras Islam។ នេះបើតាមសារព័ត៌មាន Channel News Asia។
ក្រុមអ្នកស្រាវជ្រាវរកឃើញថាខ្មាន់កាំភ្លើងឈ្មោះ Nibras Islam ធ្លាប់ចុះឈ្មោះសិក្សានៅមហាវិទ្យាល័យឯកជននៅក្នុងប្រទេសម៉ាឡេស៊ី បន្ទាប់ពីគេរៀននៅមហាវិទ្យាល័យនៅក្នុងប្រទេសប៉ង់ក្លាដេស៕
