រដ្ឋាភិបាលវៀតណាមបរាជ័យក្នុងមហិច្ឆតារបស់ខ្លួនដែលអតីតនាយករដ្ឋបានរំពឹងថានឹងប្រឹងប្រែងឲ្យតម្លៃនៃទំនិញនិងសេវាកម្មនៅក្នុងស្រុកកើនដល់៧% នៅក្នុងឆ្នាំ២០១៦នេះ។
អតីតនាយករដ្ឋមន្ត្រីវៀតណាមលោក ង្វ្រៀន តាន់ដុង បានបង្ហាញមហិច្ឆតាថាសេដ្ឋកិច្ចរបស់វៀតណាមនឹងមានកំណើនលើផលិតផលក្នុងស្រុកសរុបដល់៧%សម្រាប់ឆ្នាំ២០១៦ ខណៈអត្រាកំណើនប្រចាំឆ្នាំមាន៦,៧%។
ប៉ុន្តែទោះយ៉ាងណាសេចក្តីប្រកាសរបស់រដ្ឋាភិបាលកាលពីថ្ងៃពុធសប្តាហ៍មុនគឺគម្រោងនោះមិនបានសម្រេចលទ្ធផលទេ។ នេះបើតាមសារព័ត៌មានអូស្ត្រាលី Business Insider។
កំណើនតម្លៃផលិតផលក្នុងស្រុកសរុបក្នុងឆមាសទី២របស់វៀតណាមគឺទទួលបាន៥,៦%កាលពីឆ្នាំមុន ប៉ុន្តែឆ្នាំនេះទទួលបានតែ ៥,៥% ចំណែកកំណើនប្រចាំឆ្នាំនេះ ការសិក្សាបង្ហាញថាមានប្រមាណ៦,៣% ខណៈឆ្នាំ២០១៥មាន៦,៧%៕