គណបក្យប្រជាធិបតេយ្យមូលដ្ឋាន នឹងប្រារព្ធពិធីបុណ្យគម្រប់ខួបមួយឆ្នាំនៃការស្លាប់របស់លោក កែម ឡី នៅទីស្នាក់ការកណ្តាលរបស់ខ្លួនក្នុងរាជធានីភ្នំពេញ នៅថ្ងៃទី៩ ខែកក្កដា ឆ្នាំ២០១៧ខាងមុខនេះ។
បើតាមសេចក្តីជូនដំណឹងរបស់គណបក្សប្រជាធិបតេយ្យមូលដ្ឋានចេញផ្សាយនៅថ្ងៃនេះបានឲ្យដឹងថា ពិធីបុណ្យនេះ នឹងចាប់ផ្តើមនៅពេលព្រឹក ហើយបញ្ចប់នៅថ្ងៃត្រង់។ សេចក្តីជូនដំណឹងឲ្យដឹងទៀតថា ពិធីបុណ្យនេះ ក៏មានការបង្ហាញរូបថតសកម្មភាពនិងទស្សនៈរបស់លោកលោក កែម ឡី ផងដែរ។
លោក កែម ឡី ជាអ្នកស្រាវជ្រាវនិងវិភាគបញ្ហាសង្គមល្បីឈ្មោះមួយរូប ត្រូវបានខ្មាន់កាំភ្លើងបាញ់សម្លាប់ កាលពីថ្ងៃទី១០ ខែកក្កដា ឆ្នាំ២០១៦។ នៅស្រុកកំណើតរបស់លោក កែម ឡី ក្នុងខេត្តតាកែវ ក៏មានការរៀបចំបុណ្យខួប ១ឆ្នាំនៃការបាញ់សម្លាប់នេះដែរ៕
ថាញ់ ចន្ទសុធារី និង ហ៊ាង សុគន្ធារី