របាយការណ៍នគរបាលបានឲ្យដឹងថា សាលាឃុំមួយនៅក្នុងស្រុកព្រះស្តេច ខេត្តព្រៃវែង ត្រូវភ្លើងឆេះទាំងស្រុង កាលពីយប់ថ្ងៃទី៣ ខែកក្កដា ឆ្នាំ២០១៧ វេលាម៉ោង២២និង៣០នាទី។
តាមការចុះផ្សាយរបស់អគ្គស្នងការនគរបាលជាតិបានឲ្យដឹងថា សាលាឃុំដែលឆេះគឺឃុំរាធរ ហើយមូលហេតុដែលបណ្តាលឲ្យឆេះមកពីការឆ្លងចរន្តអគ្គិសនី។
គេហទំព័រដដែលឲ្យដឹងទៀតថា សាលាឃុំដែលឆេះនេះមាន ទំហំ ៧ម៉ែត្រគុណនឹង១២ម៉ែត្រ សង់ពីឈើប្រក់ស័ង្កសី ត្រូវឆេះខូចខាតទាំងស្រុង ចំណែកសម្ភារមួយចំនួនរួមទាំងឯកសាររដ្ឋបាលផងក៏ត្រូវខូចខាតដែរ៕