គណៈកម្មការជ្រើសរើសពលទាហានបំពេញក្របខណ្ឌឲ្យយោធភូមិភាគទី១ អំពាវនាវទៅសាធារណជន ពិសេសបេក្ខជន ឲ្យរាយការណ៍បន្ទាន់ ករណីមានអ្នកទារប្រាក់ ជាថ្នូរទទួលបានក្របខណ្ឌ។
តាមសេចក្តីជូនដំណឹងរបស់ក្រសួងការពារជាតិ កាលពីថ្ងៃទី០៣ខែតុលា បានឲ្យដឹងថា ការជ្រើសរើសពលទាហានបំពេញក្របខណ្ឌឲ្យយោធភូមិភាគទី១ ដោយស្ម័គ្រចិត្តនេះ មិនតម្រូវឲ្យបេក្ខជនបង់ប្រាក់នោះទេ (រាប់ទាំងថ្លៃពិនិត្យសុខភាព)។ ក្រសួងបញ្ជាក់ថា ករណីមានបុគ្គលណាទារលុយ ឬតម្រូវឲ្យបង់ប្រាក់ជាថ្នូរនិងការដាក់ពាក្យ ដើម្បីទទួលបានក្របខណ្ឌចូលបម្រើការងារ ដែលខុសពីការកំណត់របស់រាជរដ្ឋាភិបាល នឹងត្រូវទទួលទោសតាមផ្លូវច្បាប់។
ក្រសួងការពារជាតិឲ្យដឹងទៀតថា គណៈកម្មការជ្រើសរើសពលទាហានបំពេញក្របខណ្ឌឲ្យយោធភូមិភាគទី១ ប្រកាសឲ្យសាធារណជន ពិសេសបេក្ខជន ត្រូវរាយការណ៍បន្ទាន់ ទៅក្រុមការងារដោយផ្ទាល់ នៅពេលមានអ្នកឆ្លៀតឱកាសទារលុយជាថ្នូរនិង ទទួលបានក្របខណ្ឌ។ លេខទូរសព្ទរាយការរណ៍ 085333944/ 085222744/0972666241/ 0972666240/ 086847300/ 086685570៕
ម៉ាប់ ស៊ុយ [email protected]