ទីភ្នាក់ងារព័ត៌មានស៊ិនហួរ បានផ្សាយថា ចំនួនអ្នកស្លាប់នៅក្នុងគ្រោះថ្នាក់អណ្ដូងរ៉ែធ្យូងថ្មនៅភាគខាងជើងប្រទេសចិន បានកើនឡើងដល់ ៣២នាក់ហើយ នៅថ្ងៃអាទិត្យនេះ ដែលនេះគឺជាគ្រោះថ្នាក់ថ្មីបំផុតនៅក្នុងប្រទេសចិន ជាប្រទេសដែលមានប្រវត្តិអាក្រក់ខាងសុវត្ថិភាពនៅតាមអណ្ដូងរ៉ែ។
ទីភ្នាក់ងារព័ត៌មានស៊ិនហួបានផ្សាយថា ការផ្ទុះអណ្ដូងរ៉ែនេះ បានកើតឡើងកាលពីថ្ងៃម្សិលមិញ នៅក្នុងតំបន់ Inner Mongolia នៅជាប់នឹងប្រទេសម៉ុងហ្គោលី។
ដំបូងឡើយមានកម្មករសរុប ១៨១នាក់ បានជាប់នៅក្រោមដីក្នុងអណ្ដូងរ៉ែនោះ ហើយកម្មករ ១៤៩នាក់ ត្រូវបានគេជួយសង្គ្រោះបាន។
នេះគឺជាគ្រោះថ្នាក់អណ្ដូងរ៉ែធ្យូងថ្មីលើកទីពីរនៅក្នុងសប្ដាហ៍មកនេះ ដោយវាបានកើតឡើងចំពេលដែលរដ្ឋាភិបាលបានប្រាប់ក្រុមហ៊ុនជីករ៉ែ ឲ្យចាប់ផ្ដើមផលិតកម្មឡើងវិញ ដើម្បីបន្ធូបន្ថយតម្លៃធ្យូងថ្ម និងបំពេញតម្រូវការនៅរដូវលំហើយនេះ។
នៅក្នុងគ្រោះថ្នាក់លើកទីមួយ អាជ្ញាធរបញ្ជាក់កាលពីថ្ងៃសុក្រថា មនុស្ស ២១នាក់បានស្លាប់ បន្ទាប់ពីអណ្ដូងរ៉ែធ្យូងថ្មមួយបានផ្ទុះឆេះ នៅភាគឦសាននៃខេត្តហេឡុងជាំង៕
