ស្នងការនគរបាលខេត្តកណ្តាលបានត្រៀមកម្លាំងជិត ១ ពាន់នាក់ ដើម្បីការពារសន្តិសុខ សណ្តាប់ធ្នាប់ និងសុវត្ថិភាព នៅថ្ងៃ បុណ្យទន្លេនាពេលខាងមុខនេះ។ នេះបើតាមការចុះផ្សាយរបស់គេហទំព័រអគ្គស្នងការដ្ឋាននគរបាលជាតិ។
ស្នងការនគរបាលខេត្តកណ្តាល លោក អ៊ាវ ចំរើន លើកឡើងថា កម្លាំងដែលត្រូវដាក់ពង្រាយនៅតាមគោលដៅសំខាន់ៗជាច្រើនកន្លែងនោះ កម្លាំងនគរបាលខេត្ត កម្លាំងនគរបាលនៃនាយកដ្ឋានចំណុះអគ្គស្នងការដ្ឋាននគរបាលជាតិ កម្លាំងអង្គរក្ស កម្លាំងកងរាជអាវុធហត្ថ កម្លាំងកងយោធពលខេមរភូមិន្ទ និងកងកម្លាំងជាច្រើនទៀតចូលរួមផងដែរ។
បុណ្យទន្លេឆ្នាំនេះ នឹងរៀបចំឡើងរយៈពេល ៣ ថ្ងៃ ពីចាប់ថ្ងៃទី៩-១០-១១ ខែមីនា ឆ្នាំ២០១៨ នៅតាមដងទន្លេបាសាក់ត្រង់ចំណុចខាងមុខសួនច្បារមាត់ទន្លេក្រុងតាខ្មៅ៕