សមត្ថកិច្ចបានចាប់ខ្លួនជនជាតិចំនួន២០នាក់ ក្នុងនោះស្រី១០នាក់ ដែលសង្ស័យថា បានឆ្លងដែនមកស្នាក់នៅ និង ប្រកបរបរខុសច្បាប់នៅក្នុងខណ្ឌច្បារអំពៅ រាជធានីភ្នំពេញ។
តាមការចុះផ្សាយរបស់អគ្គស្នងការដ្ឋាននគរបាលជាតិឲ្យដឹងថា នៅថ្ងៃទី៥ខែឧសភានេះ ការិយាល័យគ្រប់គ្រងជនបរទេសសហការជាមួយនាយកដ្ឋានស៊ើបអង្កេត និងអនុវត្តនីតិវីធី នៃអគ្គនាយកដ្ឋានអន្តោប្រវេសន៍ អាជ្ញាធរមូលដ្ឋានខណ្ឌច្បារអំពៅ ដែលដឹកនាំដោយលោក សៀង សុខ ព្រះរាជអាជ្ញារង នៃអយ្យការរងអមសាលាដំបូងរាជធានីភ្នំពេញ បានត្រួតពិនិត្យផ្ទះជួលមួយនៅក្នុងខណ្ឌច្បារអំពៅ ហើយរកឃើញជនជាតិវៀតណាមរស់នៅខុសច្បាប់ចំនួន២០នាក់។
សមត្ថកិច្ចឲ្យដឹងទៀតថា ក្រោយពិនិត្យឃើញថា អ្នកទាំងនោះរស់នៅខុសច្បាប់ ក៏សម្រេចាប់ឃាត់ខ្លួនបញ្ជូនទៅកាន់អគ្គនាយកដ្ឋានអន្តោប្រវេសន៍ ដើម្បីបន្តនីតិវិធីតាមផ្លូវច្បាប់៕
