របាយការណ៍របស់សមត្ថកិច្ចបង្ហាញថា រហូតដល់ថ្ងៃទី៥ខែឧសភានេះ អ្នកភូមិចំនួន៥នាក់បានស្លាប់ និង៤០នាក់ផ្សេងទៀត ត្រូវបានបញ្ជូនទៅសង្គ្រោះនៅមន្ទីរពេទ្យ ដោយសង្ស័យពុលថ្នាំរបស់ក្រុមហ៊ុន។
តាមការចុះផ្សាយរបស់អគ្គស្នងការដ្ឋាននគរបាលជាតិបានឲ្យដឹងថា អ្នកភូមិទាំងនោះសុទ្ធតែជាជនជាតិដើមភាគតិចព្នង រស់នៅឃុំកន្ទួត ស្រុកចិត្របុរី។ ការសន្និដ្ឋានជំហានដំបូងសមត្ថកិច្ចសង្ស័យថា ពុលអាហារដោយសារការប្រើប្រាស់ទឹកអូរហូរចេញពីតំបន់ដែលក្រុមហ៊ុនបានប្រើប្រាស់ថ្នាំពុល។
ការពុលនេះកើតឡើងតាំងពីថ្ងៃទី៣ខែឧសភា ហើយរហូតដល់ថ្ងៃទី៥នេះ នៅតែបន្តកើតមានហើយអាជ្ញាធរមិនទាន់បានដឹងមូលហេតុពិតប្រាកដនៅឡើយទេ។
