ក្រុមគណនេយ្យភាពសហគមន៏ ប្រចាំឃុំពន្លៃ មានគ្នា ៧ នាក់ (ស្រី ២ នាក់) បានចុះផ្សព្វផ្សាយព័ត៌មានរបស់ពលរដ្ឋ ស្ដីពីសេវារដ្ឋបាលទាំង ៣ រួមមាន÷ សេវារដ្ឋបាលឃុំ / សង្កាត់ សេវាអប់រំ សេវាមណ្ឌុលសុខភាព ( តម្លាភាពថវិការដ្ឋ ) នាថ្ងៃទី ២០ ខែមិថុនា ឆ្នាំ ២០១៧។
លោក យ៉ាន់ យេ សមាជិកក្រុមការងារស្ម័គ្រចិត្តសម្របសម្រួលគណនេយ្យភាព បានមានប្រសាសន៍ថា ” ពូកខ្ញុំផ្សព្វផ្សាយនេះគឺដើម្បីផលប្រយោជន៏ និងសិទ្ធិរបស់បងប្អូនដែលត្រូវទទួលបានព័ត៌មាន ” ។
លោកបន្តថា យើងជាប្រជាពលរដ្ឋ ត្រូវតែក្លាហាន ហ៊ានសួរ ហ៊ានផ្តល់យោបល់ ព្រោះសេវារដ្ឋមួយចំនួនមិនត្រូវបានយកប្រាក់ទេ ។
សកម្មភាពនេះបានធ្វើនៅក្នុង ៦ ភូមិនៃឃុំពន្លៃ គឺ ភូមិ ស្វាយសរ ពន្លៃ ស្វាយខ្មៅ តាវង គោកតាសុខ និង ភូមិ ពោធិរាំបុណ្យ ក្នុងស្រុកភ្នំស្រុក ខេត្តបន្ទាយមានជ័យ ដែលមានការចូលរួមពីអាជ្ញាធរ និង ពលរដ្ឋ សរុបប្រមាណ ១១១៩ នាក់។
ដោយពលរដ្ឋអ្នកសារព័ត៌មានខេត្តបន្ទាយមានជ័យ លោក ភោគ សារៀម
