ក្រុមគ្រូពេទ្យមកពីរសហរដ្ឋអាមេរិចតាមរយៈ អង្គការក្រុមជំនុំជីវិតថ្មីបានចុះធ្វើការពិនិត្យសុខភាពដោយឥតគិតថ្លៃ ដល់ប្រជាពលរដ្ឋនៅ ភូមិទីពោ ឃុំទីពោ ស្រុកសន្ទុក ខេត្តកំពង់ធំ នៅថ្ងៃទី ១៤ ខែ កក្កដា ឆ្នាំ ២០១៧។
ប្រជាពលរដ្ឋនិងកុមារមួយចំនួនដែលរស់នៅក្នុងភូមិទីពោនិងភូមិមួយចំនួនផ្សេងទៀត ក្នុងឃុំទីពោ ប្រមាណជាង ២០០នាក់ បានមកទទួលការត្រួតនិត្យ ព្យាបាលសុខភាព និងទទួលថ្នាំ តាមប្រភេតនៃជំងឺនីមួយៗ។
កុមារី ឆៃ កែវ មានអាយុ ៩ ឆ្នាំ រស់នៅភូមិជាំថ្នាញ ឃុំទីពោ មានជំងឺរមាស់សើស្បែកតាំងពីកំណើត ធ្លាប់បានទទួលការពិនិត្យនិងព្យាបាលជាច្រើនកន្លែងច្រើនដងដែរប៉ុន្តែនៅមិនជាសះស្បើយ។ ហើយពេលនេះ គាត់បានមកពិនិត្យជាមួយក្រុមគ្រូពេទ្យមកពីសហរដ្ឋអាមេរិចនេះ
និងបានទទួលការណែនាំនិងថ្នាំលៀបជាច្រើនប្រភេទពីក្រុមគ្រូពេទ្យផងដែរ។
ដោយពលរដ្ឋអ្នកសារពត៌មានខេត្ត កំពង់ធំ អ្នកស្រី ង៉ាន សុខា
