នៅសាលាបឋមសិក្សាថ្មី ដោយមានការឧត្ថម្ភថវិកាពី អង្គការឆាលហ្វាន់ បានរៀបចំកម្មវិធីអបអរសាទរទិវាសិទ្ធិកុមារអន្ដរជាតិ ១ មិថុនា ខួបលើទី ៦៨ នៅថ្ងៃទី ១៦ ខែមិថុនា ឆ្នាំ ២០១៧ ដោយមានការចូលរួមពីប្រធានការិយាល័យអប់រំស្រុកចិត្របុរី តំណាងក្រុមប្រឹក្សាឃុំឃុំថ្មី តំណាងអង្គការឆាលហ្វាន់ លោកគ្រូអ្នកគ្រូ និងសិស្សានុសិស្ស និងមាតាបីតាសិស្ស សរុបប្រមាណជាង ៥៦០នាក់។
ក្រោយពី លោកប្រធានការិយាល័យអប់រំស្រុកធ្វើរបាយការណ៌បូកសរុប និង តំណាងអង្គការឆាលហ្វាន់មានមតិសំណេះសំណាលរួចមក ក៏មានផងដែរការចែកកាដូរដល់គ្រូចូលនិវត្តន៌ និងលេងល្បែងកំសាន្ត និងឆ្លើយសំណួរយករង្វាន់ក្នុងចំណោមសិស្សានុសិស្សជាដើម។
ក្រៅពីនេះ សារសំខាន់ៗ ដែលត្រូវវានផ្សព្វផ្សាយនៅក្នុងទិវានេះរួមមាន៖ (១) លុបបំបាតពលកម្មកុមារ (២)ការពារកុមារពីការប្រើប្រាស់គ្រឿងញៀននឹងគ្រឿងស្រវឹង (៣) កុមារមានសិទ្ធិចូលសាលារៀនពេលគ្រប់អាយុចូលសាលា និង(៤) សូមអាណាព្យាបាលបញ្ជូនកូនទៅសាលាកុំទុកកូនជាឧបករណ៌សម្រាប់ប្រើប្រាស់លើពលកម្មកុមារ ជាដើម។ល។
ដោយពលរដ្ឋអ្នកសារព័ត៌មានខេត្តក្រចេះ អ្នកស្រី ណេត នឿន