អគ្គស្នងការនគរបាលជាតិបញ្ជាឲ្យបង្កើនការ​ប្រុងប្រយ័ត្នអំពើប្លន់ប្រដាប់អាវុធ

លោក នេត សាវឿន (រូបភាពពីគេហទំព័រអគ្គស្នងការដ្ឋានគរបាលជាតិ)

អគ្គស្នងការនគរបាលជាតិបញ្ជាឲ្យស្នងការរាជធានីខេត្តទាំងអស់បង្កើនការប្រុងប្រយ័ត្នចំពោះបទល្មើសប្លន់ពិសេសប្លន់ប្រដាប់អាវុធ ដើម្បីកាត់បន្ថយការភ័យខ្លាចរបស់ប្រជាពលរដ្ឋ។

នៅក្នុងកិច្ចប្រជុំបូកសរុបរបាយការណ៍សន្តិសុខសណ្តាប់ធ្នាប់សង្គមឆមាសទី១ លើកទិសដៅអនុវត្តឆមាសទី២ ឆ្នាំ២០១៦ នៅថ្ងៃនេះ លោក នេត សាវឿន បញ្ជាឲ្យស្នងការរាជធានីខេត្តពង្រឹងការងារក្នុងស្វែងរកមុខសញ្ញាលួចឆក់ប្លន់ប្រដាប់អាវុធ ដែលកំណត់ហើយ តែមិនទាន់បានអនុវត្តន៍។ នេះបើតាមគេហទំព័រអគ្គស្នងការដ្ឋានគរបាលជាតិ។

របាយការណ៍អគ្គស្នងការដ្ឋាននគរបាលជាតិឲ្យដឹងថាក្នុងរយៈពេល៦ខែ ឆ្នាំ២០១៦មានបទល្មើសកើតឡើងជាង១៧០០លើក កម្លាំងនគរបាលបង្ក្រាបបានប្រមាណ៨០% ដែលស្មើនឹង១០៦៧ករណី ឃាត់ខ្លួនជនល្មើសបាន១៥៣៧នាក់ ក្នុងនោះបទឧក្រិដ្ឋ៣៧៦នាក់ បទមជ្ឈឹម១១៦១នាក់៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ