មន្ត្រីជាន់ខ្ពស់របស់វៀតណាមបានប្រាប់ឲ្យភាគីចិនបញ្ឈប់ជាបន្ទាន់នូវការគំរាមកំហែងនិងការប៉ុនប៉ងធ្វើសង្គ្រាមជាមួយជាតិសាសន៍ផ្សេងៗ ហើយងាកមកគោរពស្ថានភាពបច្ចុប្បន្នរបស់សមុទ្រខាងកើតឬហៅសមុទ្រចិនខាងត្បូង។
នៅក្នុងសន្និសីទសារព័ត៌មាននៅថ្ងៃព្រហស្បតិ៍ម្សិលមិញ អ្នកនាំពាក្យក្រសួងការបរទេសវៀតណាមលោក ឡេ ហៃមិញ បានថ្លែងថា ចិនត្រូវតែគោរពតាមសេចក្តីសម្រេចរបស់តុលាការអន្តរជាតិ ដើម្បីផលប្រយោជន៍ការពារសន្តិសុខសណ្តាប់ធ្នាប់និងស្ថិរភាពនៅក្នុងតំបន់និងពិភពលោក។ នេះបើតាមសារព័ត៌មាន Vietnam News។
ប្រតិកម្មរបស់វៀតណាមពេលនេះធ្វើឡើងបន្ទាប់ពីរដ្ឋមន្ត្រីការពារជាតិចិនថ្លែងកាលពីថ្ងៃទី២ខែសីហាថា លោកបានត្រៀមខ្លួនជាស្រេចក្នុងការធ្វើសង្គ្រាមនៅក្នុងសមុទ្រ ដើម្បីការពារដែនអធិបតេយ្យភាពរបស់ខ្លួន។