សមត្ថកិច្ចរាជធានីភ្នំពេញបានបិទផ្លូវមួយចំនួន ក្នុងគោលបំណងទប់ស្កាត់គណបក្សសង្គ្រោះជាតិដឹកនាំហែញត្តិនៅព្រឹកនេះ។
អ្នកធ្វើដំណើរជាច្រើនកកស្ទះនៅកំណាត់ផ្លូវជាតិលេខ២ លេខ១ ផ្លូវ២៧១ ផ្លូវនរោត្តម ផ្លូវមុនីវង្ស និងផ្លូវមួយចំនួនទៀតនៅព្រឹកនេះ។ ការកកស្ទះនេះ ដោយសារសមត្ថកិច្ចបិទផ្លូវកំណាត់ផ្លូវមួយចំនួននៅជិតស្នាក់ការគណបក្សសង្គ្រោះជាតិ ខណៈគណបក្សប្រឆាំងមួយនេះមានគម្រោងហែញត្តិទៅដាក់នៅតាមស្ថានទូតនានា។
តាមគម្រោង គណបក្សសង្គ្រោះជាតិគ្រោងហែញត្តិទៅដាក់នៅស្ថានទូតជាភាគីហត្ថលេខីនៃសន្ធិសញ្ញាទីក្រុងប៉ារីស ដោយអះអាងថារដ្ឋាភិបាលកម្ពុជាបច្ចុប្បន្ន ដឹកនាំឃ្លាតឆ្ងាយពីខ្លឹមសារនៃកិច្ចព្រមព្រៀងទីក្រុងប៉ារីស៕
