អ្នកនាំពាក្យក្រសួងការពារជាតិ លោក ឈុំ សុជាតិ ឲ្យដឹងថានៅវេលាម៉ោងប្រមាណ៧និង៣០នាទី ថ្ងៃទី៦ មករាឆ្នាំ២០១៧នេះថា នាយទាហានកងទ័ពជើងគោកម្នាក់បានស្លាប់ ខណៈនាយទាហានរូបនោះវឹកហាត់លោតឆត្រយោង ក្នុងអង្គភាពមួយស្ថិតក្នុងស្រុកសំរោងទង ខេត្តកំពង់ស្ពឺ។
លោកបញ្ជាក់ថា តាមព័ត៌មានបឋមមូលហេតុដែលបណ្តាលឲ្យស្លាប់ ដោយសារពេលនាយទាហានរូបនោះលោតឆត្រយោងពីលើឧទ្ធម្ភាគចក្រ ប៉ុន្តែឆត្រមិនរលាស់។ តែយ៉ាងណាលោកថា មន្រ្តីជំនាញកំពុងតែស្រាវជ្រាវករណីនេះបន្តទៀតដើម្បីរកមូលហេតុពិតប្រាកដ។
លោក ឈុំ សុជាតិ បដិសេធមិនបានប្រាប់ឈ្មោះនិងអត្តសញ្ញាណនាយទាហានដែលរងគ្រោះថ្នាក់នោះទេ៕