ខេត្តក្រុងមួយចំនួនរបស់ប្រទេសកម្ពុជានឹងមានសីតុណ្ហភាពចុះត្រជាក់ដល់១៧អង្សារសេនៅដើមខែកុម្ភៈនេះ។
ការព្យាករណ៍អាកាសធាតុរបស់ក្រសួងធនធានទឹកនិងឧត្តុនិយម សំរាប់ថ្ងៃទី៧ដល់ថ្ងៃ១៣ ខែកុម្ភៈ ឆ្នាំ២០១៧ បង្ហាញថា ជ្រលងសម្ពាធខ្ពស់នឹងបង្កើនឥទ្ធិពលលើប្រទេសកម្ពុជា ដែលធ្វើឲ្យតំបន់ទាំងបីគឺ វាលទំនាប ខ្ពង់រាប និងតំបន់សមុទ្រ មានសីតុណ្ហភាពទាបបំផុតពី២០ដល់២២អង្សារសេ និងសីតុណ្ហភាពខ្ពស់បំផុតពី ២៩ដល់៣១អង្សារសេ ។
ក្រសួងសូមឲ្យមានការប្រុងប្រយ័ត្នចំពោះខេត្តមួយចំនួន ដែលសីតុណ្ហភាពនឹងថយចុះមកនៅក្នុងរង្វង់ពី ១៧ដល់១៩អង្សារសេ មានដូចជា រាជធានីភ្នំពេញ ខេត្តឧត្តរមានជ័យ សៀមរាប ប៉ៃលិន កំពង់ស្ពឺ តាកែវ កោះកុង កំពង់ឆ្នាំង កំពង់ធំ រតនគិរី និងខេត្តមណ្ឌលគិរី៕