ជំនន់ទឹកភ្លៀង ធ្វើឱ្យទីធ្លាសាលាបឋមសិក្សាលលកស លិចទឹក ប៉ះពាល់ដល់ការសិក្សារបស់សិស្ស

ដោយ VOD Admin​​ | ថ្ងៃសុក្រ ទី៦ ខែមេសា ឆ្នាំ២០១៨​ ម៉ោង 11:09 AM | របាយការណ៍​ពលរដ្ឋអ្នកសារព័ត៌មាន | 0 | 36

នៅក្នុងពិធីសម្ភោធដាក់ឱ្យប្រើប្រាស់អគារសិក្សាចំនួន២ខ្នង កាលពីព្រឹកថ្ងៃទី០៦ ខែមេសា ឆ្នាំ២០១៨​ លោកស្រី នៅ សុផុន នាយិការ សាលាបឋមសិក្សាលលកស ស្ថិតនៅសង្កាត់លលកស ក្រុងពោធិ៍សាត់ បានថ្លែងទៅកាន់លោក មៅ ធនិន អភិបាលខេត្តពោធិ៍សាត់ថា នៅពេលមានជំនន់ទឹកភ្លៀងម្តងៗនាំឱ្យទីធ្លាសាលាលិចទឹក ហើយបានធ្វើឱ្យសិស្សមិនអាចមករៀនបាន។​ លោកស្រីពន្យល់ថា នៅពេលទឹកចូលហើយមិនងាយស្រកទៅវិញទេ ដោយសារទីធ្លាសាលាទំនៀបហើយគ្មានទំនប់បញ្ជៀសនៅផ្នែកខាងលើ។

លោកស្រីបន្តថា <<គ្រោះទឹកជំនន់នេះក៍ជាដើមចមដែលធ្វើឱ្យប្រជាពលរដ្ឋ ៤ភូមិ នៅក្នុងសង្កាត់លលកសធ្លាក់ក្នុងភាពក្រីក្រ ព្រោះអីឱ្យតែដល់ពេលស្រូវហាលផ្កាគឺទឹកជន់លិចអស់ ពេលទឹកស្រកទៅវិញអត់មានស្រូវច្រូត>>។

ជាការឆ្លើយតបឯកឧត្តម ម៉ៅ ធនិន អភិបាលខេត្តបានយល់ព្រមចាក់ដីក្នុងទីធ្លាសាលាចំនួន២០០ឡាន នឹងសន្យាធ្វើទំនប់បញ្ជៀសទឹកមួយខ្សែប្រវែង ១៥៥០ម៉ែត្រ ឱ្យរួចក្នុងឆ្នាំ ២០១៨ ទៅតាមសំណូមពររបស់ប្រជាពលរដ្ឋ ព្រោះទឹកជំនន់វាធ្វើឱ្យប៉ះពាល់ដល់ ៣សង្កាត់នៅក្នុងក្រុង មានសង្កាត់លលកស ស្វាយអាត់ និងសង្កាត់ផ្ទះព្រៃ ហើយវាអាចប៉ះពាល់ដល់មួយផ្នែករបស់ស្រុកកណ្តៀងផង។

កន្លងមក នៅក្នុងតំបន់នេះមានទឹកជំនន់ជន់លិចផលស្រូវ និងដំណាំ ៤ឆ្នាំជាប់ៗគ្នាផងដែរ។

ដោយពលរដ្ឋអ្នកសារព័ត៌មាន ខេត្តពោធិ៍សាត់លោក នូ រ៉េន

សរសេរមកកាន់ VOD Admin តាមរយៈ vodadmin@vodhotnews.com

Loading...

ចាប់អារម្មណ៍នឹងព័ត៌មានប្រភេទនេះ? ចុះឈ្មោះដើម្បីទទួលបានព័ត៌មានថ្មីៗ

Fields marked with an * are required