កូរ៉េខាងជើងនៅថ្ងៃសុក្រនេះ បើកកិច្ចប្រជុំជាន់ខ្ពស់របស់មន្ត្រីដឹកនាំនៅក្នុងបក្សដែលមិនធ្លាប់មាននៅក្នុងរយៈពេលប្រមាណ៤០ឆ្នាំមកនេះ ដើម្បីជជែកពីស្ថានភាពអាវុធនុយក្លេអ៊ែរបស់ខ្លួន ខណៈអន្តរជាតិកំពុងព្រួយបារម្ភពីការសាកល្បងអាវុធរបស់កូរ៉េខាងជើងនៅពេលថ្មីៗនេះ។
កូរ៉េខាងជើងនៅថ្ងៃសុក្រនេះបានបើកចំហព័ត៌មានពីការប្រជុំថ្នាក់ដឹកនាំនយោបាយទ្រង់ទ្រាយធំបំផុតដែលបង្ហាញពីភាពរឹងមាំក្រោមការដឹកនាំរបស់លោក គីម ជុងអ៊ុន និងលទ្ធភាពនៃការសាកល្បងអាវុធនុយក្លេអ៊ែជាថ្មីទៀត។ នេះបើតាមសារព័ត៌មាន Channel News Asia។
ការប្រជុំនេះជាសមាជលើកដំបូងរបស់គណបក្សដែលកំពុងដឹកនាំនៅកូរ៉េខាងជើងជាង៤០ឆ្នាំមកនេះ ហើយបានកោះហៅគណៈប្រតិភូរាប់ពាន់នាក់មកពីតំបន់ផ្សេងៗនៅក្នុងប្រទេសឲ្យទៅប្រជុំនៅទីក្រុងព្យុងយាង៕