ពលរដ្ឋកាណាដានៅភាគខាងលិចរាប់ពាន់នាក់ត្រូវបានជម្លៀសចេញដោយសារតែភ្លើងឆេះព្រៃខ្លាំងក្លានៅតំបន់ Fort McMurray ជាច្រើនម៉ោងកាលពីថ្ងៃព្រហស្បតិ៍ម្សិលមិញ។
ប្រជាពលរដ្ឋរាប់ពាន់នាក់ទាំងនោះបានជម្លៀសទៅដល់តំបន់ Lac La Biche បន្ទាប់ពីភ្លើងឆេះព្រៃបានរាលដាលខ្លាំងគំរាមកំហែងដល់ការរស់នៅរបស់អ្នកភូមិ ហើយបានប៉ះពាល់ដល់ទីក្រុងប្រេង Fort McMurray។ នេះបើតាមសារព័ត៌មាន Channel News Asia។
ប្រជាពលរដ្ឋដែលជម្លៀសចេញខ្លះបញ្ជាក់ថាពួកគេធ្វើដំណើរប្រមាណ៣០០គីឡូម៉ែត្រទៅ Lac La Biche គឺមិនមានអ្នកនាំផ្លូវចេញពីតំបន់ភ្លើងឆេះនោះទេ ដែលពេលនោះគឺត្រូវធ្វើដំណើរឲ្យបានឆាប់បំផុត។
ទោះយ៉ាងណាសកម្មភាពយន្តហោះបានជួយជម្លៀសពលរដ្ឋនៅក្នុងផ្ទះនិងកន្លែងធ្វើអាជីវកម្មដែលមានភ្លើងឆេះព័ទ្ធជុំវិញ។
បញ្ហាភ្លើងឆេះនេះរដ្ឋាភិបាលបានប្រកាសអាសន្ននៅក្នុងខេត្ត Alberta ជាកន្លែងដែលមានឧហ្សាហកម្មផលិតប្រេងរបស់បារាំងពេញនិយមមួយនៅលើពិភពលោកស្ថិតនៅទីនោះ៕
