មេដឹកនាំ​កូរ៉េ​ខាង​ជើង​បញ្ជា​ឲ្យ​កង​ទ័ព​ពង្រឹង​អំណាច​នុយក្លេអ៊ែរ

មេដឹកនាំ​កូរ៉េ​ខាង​ជើង លោក គីម ជុងអ៊ុន (រូបភាពពី AFP)

ប្រព័ន្ធផ្សព្វផ្សាយកូរ៉េខាងជើងបានផ្សាយនៅថ្ងៃនេះថា មេដឹកនាំកូរ៉េខាងជើង លោក គីម ជុងអ៊ុន បានអំពាវនាវឲ្យយោធាបន្តកសាងថាមពលនុយក្លេអ៊ែរ បន្ទាប់ពីចេញបញ្ជាឲ្យបាញ់គ្រាប់មីស៊ីលលើកចុងក្រោយ។ នេះដោយយោងតាមសេចក្ដីរាយការណ៍របស់ទីភ្នាក់ងារព័ត៌មាន AFP ដែលបានដកស្រង់សម្ដីពីមន្ត្រីរដ្ឋាភិបាលកូរ៉េខាងត្បូង។

បើតាម AFP ក្រុងសេអ៊ូលបាននិយាយថា កូរ៉េខាងជើងបានបាញ់សាកល្បងគ្រាប់មីស៊ីល៣ដើមចូលទៅក្នុងសមុទ្រកាលពីថ្ងៃចន្ទម្សិលមិញ ដែលជាការបង្ហាញអំណាចជាថ្មីទៀត ខណៈដែលមេដឹកនាំពិភពលោកជួបប្រជុំគ្នានៅជំនួប G20 នៅប្រទេសចិន។

ទីភ្នាក់ងារព័ត៌មានផ្លូវការកូរ៉េខាងជើងត្រូវបាន AFP ដកស្រង់ព័ត៌មានចុះផ្សាយថា លោក គីម ជុងអ៊ុន បានសង្កត់ធ្ងន់ពីតម្រូវការបន្តធ្វើឲ្យសម្រេចជោគជ័យក្នុងការពង្រឹងអំណាចនុយក្លេអ៊ែរមួយទៀតនៅក្នុងឆ្នាំនេះ។

ទីភ្នាក់ងារព័ត៌មានកូរ៉េខាងជើងបន្ថែមថា លោក គីម បានបញ្ជាឲ្យធ្វើសមយុទ្ធយោធាក្នុងបំណងពិនិត្យមើលសមត្ថភាពកងទ័ពនិងសុក្រឹត្យភាពនៃគ្រាប់រ៉ុកកែតបាលីស្ទីកដែលត្រូវបានដាក់ពង្រាយ។

ក្រសួងការពារជាតិកូរ៉េខាងត្បូងត្រូវបាន AFP ដកស្រង់សម្ដីចុះផ្សាយថា គ្រាប់មីស៊ីលនោះអាចជាគ្រាប់មីស៊ីល Rodong រត់បានចម្ងាយ១ពាន់គីឡូម៉ែត្រ ហើយវាត្រូវបានគេបាញ់ចេញដោយគ្មានសញ្ញាព្រមានទៅដល់ជប៉ុននោះឡើយ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ