កាណាដាកាលពីម្សិលមិញបានសម្រេចឲ្យសច្ចាប័នលើកិច្ចព្រមព្រៀងទីក្រុងប៉ារីសផ្តោតលើការប្រែប្រួល អាកាសធាតុ បើទោះបីជាសំណើរបស់លោកនាយករដ្ឋមន្ត្រី ចាស់ស្ទីន ពីការកំណត់តម្លៃកាបូននិងកាត់បន្ថយឧស្ម័នផ្ទះកញ្ចក់ ត្រូវទទួលរងការវាយបកខ្លាំងក៏ដោយ។
ការបោះឆ្នោតនៅសភាសម្រេចឲ្យសច្ចាប័ននេះក្នុងសំឡេង ២០៧ ដល់នឹង៨១ គឺមុន៣០ថ្ងៃ ដែលកិច្ចព្រមព្រៀងចូលជាធរមាននៅទូទាំងពិភពលោក ហើយបច្ចុប្បន្នមានប្រទេសចំនួន៧៤ឲ្យសច្ចាប័ន។ នេះបើតាមទីភ្នាក់ងារសារព័ត៌មានAFP។
ការអនុម័តនេះ មានការជជែកខ្លាំងនៅក្នុងសភា ហើយលោក ចាស់ ស្ទីនដ្រុដូ បានប្រើសំឡេងភាគច្រើននៃ គណបក្ស Liberal របស់លោក ជំរុញឲ្យមានការអនុម័ត ខណៈមេដឹកនាំបក្សប្រឆាំងចោទថា រដ្ឋាភិបាលបានធ្វើកំហុសធ្ងន់ និង ចាត់ទុកថា ជាអំពើក្បត់ជាតិ។
កិច្ចព្រមព្រៀងនេះ តម្រូវឲ្យប្រទេសទាំងអស់ រៀបចំផែនការក្នុងការធ្វើឲ្យសម្រេចបាននូវរក្សាកុំឲ្យកើនឡើងកម្តៅ ក្នុងកម្រិត២អង្សាសេនៃវិស័យឧស្សាហកម្ម ឬ ទាបមកត្រឹម១,៥ អង្សាបើអាចធ្វើទៅបាន៕
