កាលពីពេលថ្មីនេះ រដ្ឋាភិបាលបានសម្រេចទម្លាក់ទុន២៧លានដុល្លារឲ្យទៅធនាគារអភិវឌ្ឍន៍ជនបទ ហៅកាត់ថា (RDB) សម្រាប់ចាត់ចែងឲ្យម្ចាស់រោងម៉ាស៊ីន និងអ្នកទិញស្រូវខ្ចី ដើម្បីយកថវិកានោះ ទិញស្រូវពីកសិករ ខណៈកសិករនៅខេត្តបាត់ដំបងមួយចំនួនបានត្អូញត្អែរថា តម្លៃស្រូវឆ្នាំ២០១៦ មានតម្លៃចន្លោះពី៥០០រៀលទៅ៦០០រៀល ពោលតម្លៃនេះទាបជាង ធនាគារអភិវឌ្ឍន៍ជនបទកំណត់ក្នុងតម្លៃចាប់ពី៨៤០រៀលក្នុងមួយគីឡូក្រាម។
ប៉ុន្តែក្រុមហ៊ុននាំចេញអង្ករខ្មែរទៅបរទេស លើកឡើងថា រដ្ឋាភិបាលត្រូវប្រើប្រាស់ថវិកា២៧លានដុល្លារនេះ ដោយប្រុងប្រយ័ត្ន ដើម្បីធានាថា ផលប្រយោជន៍ពិតជាធ្លាក់ទៅក្នុងដៃប្រជាកសិករ។
តទៅនេះសូមស្តាប់បទសម្ភាសន៍រវាងលោកណាត សុភាព ជាមួយលោក សុង សារ៉ន អគ្គនាយកក្រុមហ៊ុន អ៊ែម ម្យុ រ៉ាយ ខេមបូឌា AMRU Rice Cambodia ដែលជាក្រុមហ៊ុននាំចេញអង្ករខ្មែរទៅបរទេស ដូចតទៅ៖