លោក ហ៊ុន ម៉ាណែត មិនជឿថាខេត្តព្រះសីហនុក្លាយជាទីក្រុងល្បែងរបស់ចិន

កូនប្រុសច្បងរបស់លោកនាយករដ្ឋមន្ត្រីគឺ លោក ហ៊ុន ម៉ាណែត (FB: Hun Manet)

កូនប្រុសច្បងរបស់លោកនាយករដ្ឋមន្ត្រីគឺ លោក ហ៊ុន ម៉ាណែត លើកឡើងថា ខេត្តព្រះសីហនុមិនអាចក្លាយទៅជាម៉ាកាវទី២ ឬ កន្លែងលេងល្បែងនិងប្រព្រឹត្តបទឧក្រិដ្ឋផ្សេងៗរបស់ប្រជាជនចិននោះទេ។​

ក្នុងពិធីបញ្ចុះបឋមសិលាសាងសង់បញ្ចប់គម្រោងការិយាល័យ​ និង​ សណ្ឋាគារ​ ជីងកាង​ នៅក្រុងព្រះសីហនុកាលពីដើមសប្តាហ៍នេះ លោក ហ៊ុន ម៉ាណែត លើកឡើងថា ខេត្តនេះកំពុងទទួលបានការវិនិយោគច្រើន នឹងក្លាយទៅជាទីក្រុងពិសេសលេចធ្លោជាងគេ ហើយក្លាយជាគោលដៅរបស់ភ្ញៀវទេសចរចង់ទៅកំសាន្ត។​ លោកថា មិនអាចក្លាយទៅជាម៉ាកាវទី២នោះទេ។ ​នេះបើតាមការចុះផ្សាយរបស់ Khmer Times។​

ការលើកឡើងរបស់លោក ហ៊ុន ម៉ាណែត នៅពេលនេះ បន្ទាប់ពីមានការលើកឡើងថា ខេត្តព្រះសីហនុ នឹងក្លាយទៅជាទីក្រុងល្បែងរបស់ចិនហើយមានបទឧក្រិដ្ឋច្រើនកើតឡើង។​

កាលពីចុងខែមករា អភិបាលខេត្តព្រះសីហនុលោក យន្ត មីន ​ក៏បានផ្ញើរបាយការណ៍មួយទៅក្រសួងមហាផ្ទៃ ដោយបារម្ភពីបញ្ហាសន្តិសុខដោយកំណើនជនបរទេសច្រើន។ បើតាមរបាយការណ៍នោះ ក្នុងឆ្នាំ២០១៧ ជនបរទេសចូលមកស្នាក់នៅក្នុងខេត្តព្រះសីហនុ មានចំនួន ៦ ៣៨៥នាក់ ក្នុងនោះ ជនជាតិចិនមានច្រើនជាងគេ គឺ ៤ ៤៩៨នាក់ ឥណ្ឌូណេស៊ី មាន៩០៩នាក់ ហ្វីលីពីន ១២៧នាក់ ម៉ាឡេស៊ី ១២២នាក់ និងជនជាតិផ្សេងៗទៀត៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ