ក្រសួងធនធានទឹកនិងឧតុនិយមថាស្ថានភាពកំពស់ទឹកនៅក្រុងស្ទឹងសែន ក្នុងខេត្តកំពុងធំស្រកចុះ ខណៈដែលស្រុកមួយផ្សេងទៀតក្នុងខេត្តនេះកើនឡើង។
យោងតាមទំព័រហ្វេសប៊ុករបស់ក្រសួងធនធានទឹកនិងឧតុនិយមបានចុះផ្សាយនៅថ្ងៃនេះថា ស្ថានភាពកំពស់ទឹកស្ទឹងសែននៅ មានកំពស់១៣,៤០ម៉ែត្រគឺស្រកចុះ ០,០២ ម៉ែត្រ បើប្រៀបធៀបនឹងថ្ងៃទី ០៦ ខែសីហាកន្លងទៅ គឺទាបជាងកំពស់ទឹកដែលត្រូវប្រកាសអាសន្នគឺកំពស់ ១៣,៥០ម៉ែត្រ។
ដោយឡែកថ្ងៃនេះស្ថានភាពកំពស់ទឹក នៅស្រុកសន្ដាន់មានកំពស់ ១៨,៧០ម៉ែត្រ បើប្រៀបទៅនឹងថ្ងៃទី០៦ សីហា បានកើន ០,០១ម៉ែត្រទៀត។
តាមរបាយការណ៍របស់ក្រសួងធនធានទឹកនិងឧតុនិយមបានបញ្ជាក់ថា ទឹកស្ទឹងសែនបានស្រកចុះជាបន្តបន្តាប់នៅចុងសប្ដាហ៍នេះបន្ទាប់ពីកំពស់ទឹកបានឡើងរហូតដល់ ១៣,៥០ម៉ែត្រ នៅព្រឹកថ្ងៃទី ០៣សីហាកន្លងទៅ៕
ហូរ តុងហាន់