គណនីអ៊ិនធើណែតរាប់ពាន់នៅក្នុងទីក្រុងបេកាំង ដែលធ្វើកម្មភាពផ្សាយផ្ទាល់ ត្រូវរដ្ឋអំណាចសម្រេចបិទ បន្ទាប់ពីក្រុមអាជ្ញាធរប្រយុទ្ធប្រឆាំងឧក្រិដ្ឋកម្មតាមប្រព័ន្ធអ៊ិនធើណែតរកឃើញថា សកម្មភាពរបស់ពួកគេទាំងនោះធ្វើឡើងដោយខុសច្បាប់។
ទីភ្នាក់ព័ត៌មានរដ្ឋចិនស៊ីនហួរចុះផ្សាយនៅថ្ងៃពុធនេះថា អាជ្ញាធរចិនគ្រប់គ្រងឧក្រិដ្ឋកម្មតាមអ៊ិនធើណែត (CAC) បានរកឃើញ មានការផ្សាយផ្ទាល់លើទំព័រអ៊ិនធើណែតជាច្រើនទាក់ទងនិងការងាររកចំណូលតាំងពីវិច្ឆិកាមក។ ក្រុមនេះបញ្ជាក់ថា គេហទំព័រទាំងនោះដំណើរការខុសច្បាប់ត្រូវបានបិទនិងដាក់ក្រុមការងារតាមដានឃ្លាំមើល។
ស៊ីនហួរចុះផ្សាយថា គណនីទំព័រអ៊ិនធើណែតជាង៤៥០០នៅក្នុងទីក្រុងប៉េកាំងត្រូវបានបិទនិងកម្មវិធីផ្សាយផ្ទាល់ជាង៣១០០ទៀត ក៏ត្រូវបានបិទដែរដោយចោទថា ខុសច្បាប់៕