រដ្ឋមន្ត្រីទទួលបន្ទុកផ្នែកច្បាប់ សន្តិសុខ និង នយោបាយរបស់ឥណ្ឌូនេស៊ី ថ្លែងថា ឥណ្ឌូនេស៊ី នឹងជួយដល់មីយ៉ាន់ម៉ា ក្នុងការពង្រឹងសមត្ថភាពបន្ថែមប្រយុទ្ធប្រឆាំងអំពើភេរវកម្ម។
ប្រទេសមីយ៉ាន់ម៉ាកំពុងតែបង្ហាញការព្រួយបារម្ភចំពោះក្រុមភេរវកម្មដែលកើតឡើងដោយក្រុមបណ្តាញរដ្ឋឥស្លាម ក្រោយពេលវិលត្រលប់វិញរបស់ជនជាតិភាគតិចរ៉ូហ៊ីងយ៉ា រាប់សែននាក់ដែលបានរត់គេចចេញទៅប្រទេសបង់ក្លាដេស។ នេះបើតាមទីភ្នាក់ងារព័ត៌មានឥណ្ឌូនេស៊ី Bernama។
តំណាងឲ្យភាគីឥណ្ឌូនេស៊ីលោកWirantoថ្លែងថា ឥណ្ឌូនេស៊ីចង់ចែករំលែកចំណេះដឹង និង បទពិសោធន៍ ការពារការវាយប្រហារពីក្រុមភេរវកម្ម។ លោកបន្តថា ពេលនេះ ក្រុមរដ្ឋឥស្លាមកំពុងតែថយចុះឥទ្ធិពលរបស់ខ្លួននៅហ្វីលីពីន ហើយកំពុងតែស្វែងរកមូលដ្ឋានថ្មី ដែលពួកគេបារម្ភថា អាចជាប្រទេសមីយ៉ាន់ម៉ា។
