WHO ប្រកាស​ថា ថៃ​លុប​បំបាត់​​ការ​ចម្លង​មេរោគ​ហ៊ីវ​ពី​ម្ដាយ​ទៅ​កូន​ទាំង​ស្រុង

អង្គការសុខភាពពិភពលោក បានឲ្យដឹងនៅថ្ងៃពុធនេះថា ថៃបានក្លាយជាប្រទេសដំបូងគេនៅតំបន់អាស៊ី ដែលបានលុបបំបាត់ការចម្លងវីរុសហ៊ីវពីម្ដាយទៅកូន ដែលជារបត់មួយនៅក្នុងការប្រយុទ្ធប្រឆាំងនឹងជំងឺនេះ។

ទីភ្នាក់ងារព័ត៌មាន AFP បានរាយការណ៍ថា សេចក្ដីប្រកាសរបស់អង្គការ WHO គឺជាការជំរុញមួយសម្រាប់បុគ្គលិកសុខាភិបាលថៃ ដែលបានផ្លាស់ប្ដូរប្រទេសនេះ ពីសង្គមមានអត្រាចម្លងមេរោគហ៊ីវខ្ពស់បំផុតនៅអាស៊ី ទៅជាសង្គមមួយដែលអាចប្រយុទ្ធប្រឆាំងដោយប្រសិទ្ធភាពនឹងបញ្ហានេះ។

ដោយបានចាត់ទុកជា«ជោគជ័យគួរឲ្យកត់សម្គាល់»នោះ អង្គការ WHO បាននិយាយថា ថៃបានបង្ហាញឲ្យពិភពលោកដឹងថា គេអាចបង្ក្រាបមេរោគហ៊ីវបាន។

គុយបា គឺជាប្រទេសតែមួយគត់នៅលើពិភពលោក ដែលបានលុបបំបាត់ទាំងស្រុងនូវការចម្លងមេរោគហ៊ីវពីម្ដាយទៅកូន នៅក្រោមលក្ខណៈវិនិច្ឆ័យរបស់អង្គការ WHO។

នៅរៀងរាល់ឆ្នាំ ស្ត្រីផ្ទុកមេរោគហ៊ីវចំនួន ១.៤លាននាក់នៅជុំវិញពិភពលោក មានផ្ទៃពោះ។ ចំណែកកុមារកើតមកផ្ទុកមេរោគហ៊ីវ មានចំនួន ៤សែននាក់ នៅឆ្នាំ២០០៩។ ចំនួននេះ បានធ្លាក់ចុះមកនៅ ២៤ម៉ឺននាក់ នៅត្រឹមឆ្នាំ២០១៣៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ