ភ្លៀងនិងព្យុះបោកបក់ខ្លាំងនៅប្រជុំកោះរបស់អង់គ្លេស

ព្យុះ Hurricane Irma បានបោកបក់នាំទាំងទឹកភ្លៀងខ្លាំងនៅប្រជុំកោះ Turks និងកោះ Caicos របស់អង់គ្លេស ដែលមានទីតាំងនៅ​មហាសមុទ្រអាតាឡង់តិច បន្ទាប់ពីការបោកបក់​ចេញពីតំបន់ Caribbean ជាតំបន់​នៅឈូងសមុទ្រម៉ិចស៊ិកូ។​

សារព័ត៌មាន BBC បានឲ្យដឹងថា ខ្យល់ព្យុះនោះមានកម្លាំងខ្លាំង ដែលអាចបង្កគ្រោះថ្នាក់ច្រើន​ គឺក្នុងល្បឿនប្រមាណ ២៨០គីឡូម៉ែត្រក្នុងមួយម៉ោង។​

ព្យុះប្រភេទនេះ បានវាយប្រហារខ្លាំងក្លានៅក្នុងប្រទេស Haiti ដែលបង្កឲ្យមានទឹកជំនន់ និង បានបំផ្លាញហេរដ្ឋារចនាសម្ព័ន្ធជាច្រើន​កាលពីឆ្នាំ២០១០ ហើយទើបតែស្តារបានការខូចខាតឡើងវិញ។​

អង្គការមនុស្សធម៌អន្តរជាតិ​កាកបាតក្រហម បានធ្វើការប៉ាន់ប្រមាណថា ឥទ្ធិពលនៃខ្យល់ព្យុះនេះ និងធ្វើឲ្យរងផលប៉ះពាល់ដល់មនុស្សប្រមាណ​១,២លានទៅ ២៦លាននាក់៕