ព្រះរាជអាជ្ញាតុលាការព្រហ្មទណ្ឌអន្ដរជាតិ(ICC)កាលពីថ្ងៃព្រហស្បតិ៍បានបង្ហាញពីការស៊ើបអង្កេតដំបូងចំនួនពីរដោយផ្តោតលើសង្គ្រាមសម្លាប់មនុស្សនៅប្រទេសហ្វីលីពីន និងការរំលោភបំពានក្នុងអំឡុងពេលចលាចលនយោបាយរបស់ប្រទេសវ៉េណេស៊ុយអេឡា នេះបើតាមការចុះផ្សាយរបស់សារព័ត៌មានChannel News Asia ។
បើតាម Channel News Asia ការចាប់ផ្តើមស៊ើបអង្កេតនេះគឺធ្វើឡើងតាមពាក្យបណ្តឹងរបស់មេដឹកនាំបក្សប្រឆាំងប្រទេសទាំងពីរដោយបានចោទប្រកាន់រដ្ឋាភិបាលរបស់ពួកគេថាបានប្រព្រឹត្តបទល្មើសប្រឆាំងមនុស្សជាតិ ទៅកាន់ព្រះរាជអាជ្ញារបស់ ICC អ្នកស្រី Fatou Bensouda។
នៅក្នុងប្រទេសហ្វីលីពីនតុលាការអន្តរជាតិ នឹងវិភាគឧក្រិដ្ឋកម្មដែលត្រូវបានចោទប្រកាន់តាំងពីថ្ងៃទី១ ខែកក្កដាឆ្នាំ ២០១៦ ក្នុងបរិបទនៃសង្គ្រាមស្តីពីយុទ្ធនាការថ្នាំញៀនដែលត្រូវបានធ្វើឡើងដោយប្រធានាធិបតីហ្វីលីពីន Rodrigo Duterte ។
អ្នកនាំពាក្យប្រធានាធិបតីភីលីពីន លោក Harry Roque ថាលោក Duterte បានបដិសេធការចំពោះការចោទប្រកាន់ទាំងអស់នេះដោយ ហៅការស៊ើបអង្កេតនេះថាជា “ការខ្ជះខ្ជាយពេលវេលា និងធនធាន” និងជាការដាក់កំហិតដល់ប្រធានាធិបតី តែលោក Duterte បានស្វាគមន៍ចំពោះការវិឌ្ឍន៍ហើយត្រៀមខ្លួនដើម្បីតវ៉ារឿងក្តីនេះនៅចំពោះមុខសាលាក្តីខណៈលោកមានជំងឺ ធុញទ្រាន់នឹងការចោទប្រកាន់ទាំងនេះ។
ខណៈនៅក្នុងប្រទេសនៅវេណេហ្ស៊ុយអេឡា តុលាការនឹងពិនិត្យមើលឧក្រិដ្ឋកម្មដែលត្រូវបានចោទប្រកាន់ក្នុងអំឡុងពេលមានរលកនៃការតវ៉ាចាប់តាំងពីខែមេសាឆ្នាំ 2017 ប្រឆាំងនឹងរដ្ឋាភិបាលរបស់ប្រធានាធិបតី Nicolas Maduro ។
កាលពីខែវិច្ឆិកាអតីតឧត្តមសេនីយ៍ឯក Luisa Ortega នៃប្រទេសវ៉េណេស៊ុយអេឡាដែលបានភៀសខ្លួនចេញពីប្រទេសបានចោទប្រកាន់ប៉ូលីសវ៉េណេស៊ុយអេឡានិងមន្ត្រីយោធាថាបានសម្លាប់មនុស្សចំនួន ១ ៧៦៧ នាក់នៅឆ្នាំ ២០១៥ ៕