អង្គការការពារសិទ្ធិមនុស្សលីកាដូ នៅថ្ងៃសៅរ៍នេះធ្វើផែនទីបង្ហាញទីតាំងវិទ្យុចំនួន៣២ដែល រដ្ឋាភិបាលបានបិទកាលពីចុងខែសីហាកន្លងទៅ។
នៅក្នុងអត្ថបទរបស់អង្គការលីកាដូ ផ្សព្វផ្សាយនៅថ្ងៃនេះ បានភ្ជាប់ផែនទីជាទីតាំងវិទ្យុចំនួន៣២ដែលរដ្ឋាភិបាលបានបិទនោះថា ជាប្រភពព័ត៌មានដែលសំខាន់ អាចផ្សព្វផ្សាយព័ត៌មានដល់តំបន់ដាច់ស្រយាលដែលមិនមានអ៊ីនធើណែតប្រើប្រាស់។
តាមរបាយការណ៍ចងក្រងរបស់អង្គការនេះ បានឲ្យដឹងទៀតថា ក្នុងចំណោមវិទ្យុទាំង៣២នោះ ស្ថិតនៅក្នុងរាជធានី-ខេត្តចំនួន២០ ដែលបានជួលម៉ោងសម្រាប់ផ្សាយព័ត៌មានឲ្យវិទ្យុអាស៊ីសេរី វិទ្យវីអូអេ និង វិទ្យុវីអូឌី។ ខេត្តទាំងនោះ រួមមានខេត្ត ត្បូងឃ្មុំ ស្វាយរៀង ស្ទឹងត្រែង សៀមរាប ពោធិ៍សាត់ និង ប៉ៃលិនជាដើម។
