សមត្ថកិច្ចបានឃាត់ខ្លួនជនជាតិវៀតណាមចំនួន១៥នាក់ ពាក់ព័ន្ធករណីលួចមកស្នាក់នៅនិងធ្វើការងារ ក្នុងរាជធានីភ្នំពេញ ដោយអះអាងថា គ្មានលិខិតឆ្លងដែន និងឯកសារបញ្ជាក់ត្រឹមត្រូវ។
តាមការចុះផ្សាយរបស់អគ្គស្នងការដ្ឋាននគរបាលជាតិ កាលពីថ្ងៃពុធម្សិលមិញ បានឲ្យដឹងថា ព្រះរាជអាជ្ញារងសាលាដំបូងរាជធានីភ្នំពេញ លោក សៀង សុខ បានដឹកនាំកម្លាំងជំនាញ ចុះធ្វើការត្រួតពិនិត្យ និងឃាត់ខ្លួនជនជាតិវៀតណាមបានចំនួន ១៥នាក់ ដែលលួចចូលមកស្នាក់នៅនិងបម្រើការងារ ដោយខុសច្បាប់ក្នុងខណ្ឌច្បាអំពៅ កាលពីថ្ងៃទី ០៨ខែវិច្ឆិកាម្សិលមិញ។
បច្ចុប្បន្ន ជនជាតិវៀតណាមទាំង ១៥នាក់ដែលសមត្ថកិច្ចឃាត់នោះ ត្រូវបានបញ្ជូនខ្លួនបន្ត ទៅអគ្គនាយកដ្ឋានអន្តោប្រវេសន៍ ដើម្បីអនុវត្តន៍តាមនីតិវិធីច្បាប់។
សរសេរមកកាន់លោក ម៉ាប ស៊ុយ [email protected]