ស្ថាប័នមួយដែលធ្វើការដើម្បីគាំទ្រសកម្មភាពរបស់រដ្ឋអំណាចចិន ហើយមានទីតាំងនៅក្នុងដែនដីហុងកុង បានប្រកាសឈ្មោះមេដឹកនាំនៅអាស៊ីអាគ្នេយ៍ពីររូប គឺលោកនាយករដ្ឋមន្ត្រី ហ៊ុន សែន និង លោកប្រធានាធិបតីរ៉ូឌ្រីហ្គោ ឌូទើតេ សម្រាប់ការប្រគល់ពានរង្វាន់សន្តិភាពប្រចាំឆ្នាំ២០១៧។
តាមការចុះផ្សាយរបស់Asian correspondent បានឲ្យដឹងថា មជ្ឈមណ្ឌលស្រាវជ្រាវសន្តិភាពចិន បានជ្រើសរើស លោកនាយករដ្ឋមន្ត្រីហ៊ុន សែន មេដឹកនាំកម្ពុជា និង លោក រ៉ូឌ្រីហ្គោ ឌូទើតេ មេដឹកនាំហ្វីលីពីន សម្រាប់ឲ្យទទួលពានរង្វាន់សន្តិភាពពិភពលោកឆ្នាំ២០១៧។
នាយកមជ្ឈមណ្ឌលស្រាវជ្រាវសន្តិភាពចិនលោក Tan Changliu ថ្លែងថា ការសម្រេចផ្តល់ពានរង្វាន់នេះ គឺជាការជំរុញឲ្យពិភពលោកមានសន្តិភាព។
ទោះយ៉ាងណា មិនទាន់មានការកំណត់ជាក់លាក់ថា មេដឹកនាំទាំងពីរ ត្រូវទៅទទួលពានរង្វាន់សន្តិភាពពីស្ថាប័នរបស់ចិនមួយនេះ នៅពេលណានោះទេ គ្រាន់តែបញ្ជាក់ថា នៅឆ្នាំ២០១៧។ ពៅ មេត្តា
